Heimreise 16.feb.

So er dagen komen då turistane må vende nasen heimover mot nord. Men først måtte vi ein siste gong på marked. Vi pakka bilen og reiste til bydelen Subiaco. Der såg Gunther og undertegnede på nokre godsaker men standhaftege som vi er, kjøpte vi ingen ting.. Etter kaffipause reiste vi til flyplassen. Der benka vi oss for å ta eit siste lagbilete her i Perth. Det å ta farvel er triste greier men samtideg heilt nødvendeg. Ferien er slutt. Innsjekkinga gjekk greit. Etterpå leita vi fram GATEN vår. Den fann vi fort ja til og med flyet. Vi rusla litt rundt og såg på litt av kvart før det bar gjennom pass og sikkerhetskontroll. So var det berre å sette seg på flyet. Her trur vist undertegnede at han har liten tid... Turen gjekk til Kualu Lumpur og tok ca. fem timar. Der måtte vi vente i eit par timar før vi tok fatt på den tolv timars lange turen til Amsterdam. På grunn av teknisk svikt har vi ingen bilete frå denne plassen. Her er vi i flyet til Amsterdam.. Å flyge i tolv timar er ikkje so gale når ein flyg om natta. Då søv ein vekk halve turen. Det er når ein kjem til Amsterdam og skal skru klokka åtte timar tilbake at ein får litt problem. Dette er nokre bilete frå flyplassen i Amsterdam. Siste etappe er i gang. Ein og ein halv times tur til Sola flyplass. Der var det fem grader, surt og kaldt. (Tankane gjekk til varme Australia) Anne Lill kom og henta oss og køyrde oss heim. Stor takk til ho. So er kampen med aklimatisering grunna stor tidsforskjell i gang. Det tek ca. ei veke. Dette er slutten på VÅR LIVS REISE. Vi har hatt tre fantastiske veker i Perth. Atter ein gong ei stor takk til Jeanette, Gunther og Sunniva for at vi fekk vere der med dei. Tusen takk for køyring, omvisning etc. Til slutt vil vi helse til alle lesarane våre og takke for denne gong.